Haruskjóting 1998 – 16. nov
14 skjúttar møttust í Syðratoftum. Teir sum ikki vóru við eru Magni, Tróndur, Tórur og Ásmund. Rólant hevur latið dagin til sonin Jens Róa, tó skeyt Rólant fyri Ásmund.
Tá komið var á Frostgjógv vóru 6 harur skotnar, harav Einar 2. So fáar harur gav aftur bílæt av at í ár verða fáar harur.
Niels Gunnar sum nú er formaður koyrdi seðlarnar í húgvuna.
Tað var gott veður í dag og ættin var norðan, soleiðis hevði verið í nakrar dagar. Kavi lá fjallatoppunum og allur Líðarhagi var avdekkaður.
Gongdin í klappijaktini var heilt góð, kanska nakað seint hjá teim niðastu, har var so ringt at ganga.
Nakrir fóru vestur í Nakk, men eingin fekk haru har, Sigmund sum fór niður undir í Skokkunum var nokk einasti, ið fekk haru vesturi í Skarði.
Tað var alt ov nógvur kavi í erva. Á heimvegnum vóru ikki nógvar harur skotnar og sera lítið í Innaru Hamrum.
Tá komið var heimaftur vóru 38 harur, 4 ungar.
Menn vóru nøgdir við dagin. Harukongur Sigmund Nolsøe og vann hann ferðasteypið til ognar.
úr gerðabókini