Onsdagin hin 15. novembur 2017, bleiv Jens Rói gjøgnum facebook kontaktaður av Karl L. Thomassen úr Kollafirði, sum enn einaferð hevði fanga eina livandi haru. Karl, sum eisini í 2013 lat klappjaktini eina haru, Karlos nevnd, hevði verið í haganum í seyðaørindum og tá fanga eina ungharu í einum harusetri í Kollfjarðadali. Jens Rói gjørdi skjótt av, fekk fatur á eini erskju og koyrdi norður til Kollafjarðar. Haran, ein yngri harufressur, blev kannaður og mettur at verða væl fyri, frískur og í góðum standi. Hoyggj í erksjuna, í við haruni, eitt hugnaligt kaffiprát og kósin síðan aftur sett suðureftir móti Havnini.
Síðan blev erskjan koyrd í eitt bagagurúm, koyrd umborð á Smyril og silgd suður. Har suðuri tóku Birgir og Einar ímóti. Teir settu eitt gult klips, “gravera BSR í”, í høgra oyra, fóru síðan niðan í dal og sleptu haruni inn í eina holu norðan fyri Vættraheygg.
Haran bleiv navngivin Luddi, og ynskja okur honum góða eydnu við sínum ævintýri í Suðuroy.
Sum skilst so bleiv Luddi tikin úr sama harusetri sum Karlos í 2013. Harusetrið hava Karl og pápin hansara gjørt einaferð tá Karl var smádrongur.
9. nov 2018 undir ársins klappjakt, endaði Luddi síðar dagar, tá Birgir gekk seg fram á hann norðuri á Stíggj, millum Hvannhaga og Svínadalin. Undarligt at tað skuldi verða just Birgir ið fekk Ludda í sikti, og uttan iva hevur hann kent oyraklipsi aftur uppá langa fjarstøðu, tí klipsi var nemliga eitt klips frá Birgja sjálvum. Sum sæst á myndini niðanfyri, so eru umleið 1,7 km millum staðið har Luddi bleiv sleptur og staðið har hann fór heim til ævigu grasmarkirnar. 